29 сәуір күні таңертең елорда тұрғындары қаланың үстінен қайдан шыққаны белгісіз қою түтінді байқады, деп хабарлайды Ulysmedia.kz.
Куәгерлердің айтуынша, елорда көшелерінен шаң иісі сезілген.
Астана қаласының Төтенше жағдайлар департаменті азаматтардың үрейленуіне байланысты жауап берді. Ведомствоның мәліметінше, 29 сәуір күні сағат 11:00-де Ақмола облысының аумағында, қалада және іргелес елдімекендерде белсенді табиғи өрт оқиғалары тіркелмеген.
Содан соң астаналықтарға ашық оттың кез келген көздерімен жұмыс істеуде абай болуға, от жақпауға және ғимараттардың жанында қоқыс өртемеуге кеңес берілді.
«Табиғат аясында жанып тұрған темекі тұқылын лақтырмаңыз, балалардың сіріңкемен және отпен ойнауына жол бермеңіз, шыны ыдыстар мен шыны сынықтарын қалдырмаңыз», - деп ескертті кезекші диспечер.
