×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Министр: Қант қаласақ та, қаламасақ та бәрібір қымбаттайды

23.06.2022, 10:56
Фото: Ашық дереккөзден

Премьер-министрдің орынбасары – Сауда және интеграция министрі Бақыт Сұлтанов Қазақстанда негізгі тауарлардың дефициті болмайтынын, ал қант секілді импорт тауарлардың бағасы бәірібір өсетінін мәлім етті, деп хабарлайды Ulysmedia.kz.

«Бізде тауардың алты түрі бойынша импортқа тәуелділік бар. Негізгі тауарлар жетпей қалмайды. Импортқа тәуелділікті азайтуға бағытталған арнайы бағдарлама бар. Экспортқа тәуелді тауарлар да бар. Ол мәселен бидай. Сыртқы нарықта баға қымбаттап кетсе, ішкі нарықта да қымбатшылық болады», - деді ол үкімет кулуарында.

Оның айтуынша, әлеуметтік-кәсіпкерлік корпорациялар арқылы тиісті жұмыс атқарылып жатыр. Айналым схемалар арқылы кейбір тауарлар бойынша баға тұрақтандырылған.

«Алайда азық-түліктің кей түрі бойынша, мәселен қант жағынан қаласақ та, қаламасақ та баға өседі. Өйткені бүкіл әлемде биржалық баға өсіп барады. Бізге қант жеткізіп жатқан Ресейдің өзі тасымалды тоқтатқандықтан, бұл жағадй әрине бізге әсер етеді. Логистика бүкіл әлемде өсіп барады. Доллар да. Еуро да», - дейді ол.