×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Оқу-ағарту министрлігі Назарбаев мектебінде шыққан дауға қатысты пікір білдірді

23.06.2022, 12:32
ашық дереккөзден

Оқу-ағарту министрлігі Назарбаев зияткерлік мектебіне қатысты шыққан дауға пікір білдірді,  деп хабарлайды Ulysmedia.kz.

“Біз көпшіліктің жағдайды түсінбейтінін және Назарбаев зияткерлік мектептері министрлікке бағынысты деп санайтынын көріп отырмыз. Осы орайда «Назарбаев зияткерлік мектебі» ДББҰ-ның толық дербестігін қамтамасыз ететін арнайы заң бар екенін еске салғымыз келеді. Яғни, НЗМ мектептері Оқу-ағарту министрлігіне бағынбайды. Сәйкесінше, тілдер бөлінісінде квота бөлу, сыныптарды жабдықтау, жаңа мектептер ашу мәселелерін министрлік емес, Қамқоршылық кеңесі шешеді. Түсіндіретін бір ғана мәселе бар. Дәлірек айтқанда, министр гранттарды тағайындау жөніндегі комиссияның төрағасы, алайда оның сыныптарға қабылдау, сыныптарды жинақтау және оны ашу саясатын анықтауға құқығы жоқ. Сондықтан төраға қызметі қайта қаралады. Негізгі шешімдерді қабылдайтын адамдар конкурс комиссиясына төрағалық етуі керек», - деді Оқу-ағарту министрлігінің Мектепке дейінгі және орта білім комитеті бас сарапшысы Ерлан Маяемиров.

Әлеуметтік желіде Назарбаев зияткерлік мектебінде оқуға үміткерлерге мемлекет тарапынан берілетін «Өркен» грантының санына байланысты резонансты видео тарады.Онда биыл қазақ тобына тапсырған оқушылардың саны орыс тобына тапсырған үміткерлерден көп болғанына қарамастан, грант саны теңдей бөлінгені айтылады. Соның салдарынан қазақ тілді үмтікерлердің жинаған балл саны орыс тілді үміткерлерден жоғары болғанына қарамастан, грантқа өте алмай қалған.