×
472.17
495.5
7.57
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
472.17
495.5
7.57

Ақпарат министрі Қазақстандағы сөз еркіндігіне баға берді

23.06.2022, 13:42
Фото: Ашық дереккөзден

Ақпарат және қоғамдық даму министрі Асқар Умаров Қазақстандағы сөз бостандығының жағдайын бағалады, деп хабарлайды Ulysmedia.kz.

Журналистер министрден Алматыда сенбі күні өтетін митинг жайлы пікірін білмек болған. Асқар Умаров ол жайлы Facebook-тен оқып білгенін айтты.

«Азаматтық белсенділік әрқашан қолдау табуы керек. Журналистердің соңғы митингі 2003 жылы Алматыда журналист Сергей Козловты қорғау үшін болды, мен оған өзім де қатысқам. Сенбіде мен елордада боламын, өйткені менде іс–шаралар бар», - деді министр.

Асқар Умаровтың пайымдауынша, Қазақстанда министин туралы ақпарат тарататын журналистердің өзі митингке шығатындай сөз еркіндігі мәселесі соншалықты өткір мәселе емес. Сөз еркіндігі 1-ден 5-ке дейінгі шкаламен бағалаған министр былай деді.

«Мен 5 дер едім, алайда сіздер оған сене қоймассыздар. Сол үшін 4,9 дер едім. Сөз еркіндігіне байланысты жағдай соншалықты өткір дей алмас едім. Сіздер менен сөз еркіндігі туралы сұрап жатырсыздар. Егер бізде ол болмаса сіздер маған бұл сұрақты қояр ма едіңіздер? Митинг те өткізіп жатыр. Ешкімнен тыйым жоқ», - деді министр.

Министр сөз соңында «телефон құқығын» пайдаланып, бірде-бір редакцияға материалды алып тастау жөнінде өтінішпен шықпағанын да айтып өтті.