×
478.9
459.98
8.24
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
478.9
459.98
8.24

Қазақстанда бензин бағасы судан 1,5 есе арзан

24.06.2022, 09:58
фото: ашық дереккөзден

Елімізде бензин бағасы бір литр минералды судан әлдеқайда арзан, деп хабарлайды Ulysmedia.kz.

Жанармай құя бекеттерінде 1 литр су орта есеппен 280 теңгеден, ал АИ-92 маркалы бензин 180 теңгеден сатылуда.

Энергетика министрі Болат Ақшолақовтың жаңа бұйрығына сәйкес, бүгіннен бастап елімізде жанар-жағармайдың жаңа шекті бағасы енгізілді.

  • 1) Жаңа құжатқа сәйкес, бензин мен дизель отынының шекті бағасы Қазақстанның барлық өңірінде өзгереді. АИ-80 маркалы 1 литр бензин 89 теңгеге сатылады.
  • 2) АИ-92 және АИ-93 маркалы 1 литр бензин Қостанай, Солтүстік Қазақстан облыстарында 187 теңге болады;

Нұр-Сұлтан, Алматы, Шымкент қалаларында, Ақмола, Ақтөбе, Шығыс Қазақстан, Батыс Қазақстан, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Абай, Жетісу, Ұлытау облыстарында 1 литр бензин 182 теңгеге сатылады;

  • 3) Дизель отыны (жазғы, маусымаралық): Ақмола, Ақтөбе, Шығыс Қазақстан, Батыс Қазақстан, Қостанай, Солтүстік Қазақстан облыстарында, сондай-ақ Абай облысында 1 литрі – 260 теңге болады;

Нұр-Сұлтан, Алматы, Шымкент қалаларында, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Жетісу, Ұлытау облыстарында 1 литрі 230 теңгеге сатылады.

Жаңа шекті баға АИ-95 маркалы бензинге және қысқы соляркаға енгізілмейді.

Бұйрық ресми жарияланған күннен бастап, қолданысқа енгізіледі және күнтізбелік 180 күнге есептелген, яғни мұндай баға 2023 жылдың қаңтардың басына дейін белгіленеді.

Айта кетейік, Қазақстан тұрақты түрде ең арзан бензинмен әлемдегі алғашқы 10 елдің қатарына кіреді.

GlobalPetrolPrices сайтының мәліметінше, елімізде бір литр жанар-жағармай бағасы орта есеппен 0,393 доллар.

Венесуэладағы ең арзан бензин литріне 0,025 доллар (шамамен 13 теңге). Сондай-ақ ондықта Ливия (0,032 шамамен 16 теңге), Иран (0,051 шамамен 26 теңге), Сирия ( 0,316 шамамен 161 теңге), Алжир( 0,322 шамамен 164 теңге), Ангола( 0,340-шамамен 173 теңге), Кувейт( 0,345 шамамен 176 теңге), Нигерия (0,4 шамамен 204 теңге) және Түрікменстан (0,428 шамамен 218 теңге) кіреді.

Қазіргі уақытта бағасы ең жоғары деңгейде тұрған АҚШ-та бензин бағасы Қазақстанға қарағанда үш есе қымбат тұрады.