×
468.45
489.06
7.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.45
489.06
7.66

Көкшетауда құны 20 млн теңгелік контрабандалық темекі тәркіленді

24.06.2022, 15:02
фото: ашық дереккөзден

20 миллион теңгеге контрабандалық темекі өнімдерінің жолы кесілді. Заңсыз өнім Көкшетау қаласының дүкендерінде саудаланбақ болған, деп хабарлайды Ulysmedia.kz Қаржылық мониторинг агенттігіне сілтеме жасап.

Агенттіктің Ақмола облысы бойынша аумақтық департаментімен заңсыз кәсіпкерлік фактісі бойынша сотқа дейінгі тергеу басталды.

«Газель» маркалы автокөлікті тексеру барысында акциздік таңбалары жоқ 34 500 дана темекі өнімдері табылып, тәркіленді. Темекі өнімдері көлікке Нұр-Сұлтан қаласындағы «Әмір» әмбебап базарының аумағында тиеліп, Көкшетау қаласына жөнелтілген.

 

«Жедел іздестіру кезінде сол маркадағы темекілер табылды. Мемлекеттік кірістер органдарының ақпараты бойынша 34 500 дана темекінің құны 20 355 000 теңгені құрайды», делінген хабарламада.