Маңғыстау облысының прокуратурасы жаңаөзендік жұмыссыз тұрғындар жариялаған аштыққа қатысты пікір білдірді, деп хабарлайды Ulysmedia.kz.
Бақылаушы орган аштық акциясына қатысушылардың кейбірінің әрекетін арандатушылық деп атады.
«Жеке әрекеттер әлеуметтік желі қолданушыларының арандатушылық мәлімдемелері мен заңсыз пікірлерімен қатар жүреді. Жиналғандардың әрекеті заң талаптарына қайшы келеді. Прокуратура органдарына мұндай әрекеттерді ұйымдастыру және оларға қатысу үшін белгіленген жауапкершілік түсіндірілді», - делінген хабарламада.
Ведомство өкілдері азаматтарды заң бұзбауға шақырады.
«Сонымен қатар, кейбір азаматтар заңмен тыйым салынған жерлерде діни рәсімдерді өткізеді. Бұл ҚР ӘҚБтК-нің 490-бабы (Қазақстан Республикасының діни қызмет және діни бірлестіктер туралы заңнамасын бұзу) бойынша әкімшілік жауапкершілік көзделген заң талаптарына қайшы келеді», - деп хабарлады прокуратура.
Бұған дейін хабарланғандай, Жаңаөзен қаласының 15-ке жуық жұмыссыз тұрғыны қалалық әкімшілік ғимаратының жанына жиналып, аштық жариялаған.
«Жұмыспен қамту мәселесін шешуге әлі де көмектесе алмағандықтан, біз аштық жариялауды көздеп отырмыз», - дейді ер азаматтар.
Бұған дейін жаңаөзендіктер мынадай талаптарымен үндеу таратқан болатын:
- толыққанды еңбек жағдайлары жасалған, оның ішінде лайықты тұрақты жалақысы бар кәсіпорында жұмысқа орналастыру;
- Жаңаөзен қаласының мұнай-газ кәсіпорындарын тексеру нәтижелерін ашық жариялау;
- Қытаймен визасыз режим енгізуден бас тарту.
Айтпақшы, қазір Жаңаөзен қаласында қала кәсіпорындарын тексеретін инспекция жұмыс істеп жатыр.
