×
475.51
464.15
8.2
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
475.51
464.15
8.2

Қайрат Құдайберген тергеу қапасына қатысты шағым жасады

26.06.2022, 15:10
Көрнекі сурет: ашық дереккөзден

Қайрат Құдайберген тергеу қапасында қандай жағдайда отырғанын өзінің Facebook-тегі парақшасында жазды, деп хабарлайды Ulysmedia.kz порталы.

“Түрмеге қарағанда тергеу изоляторында отыру әлдеқайда жаман. Сондықтан ол жерде заң бойынша 1 ай түрмедегі 1,5 аймен тең. ҰҚК тергеу изоляторында тек камерадағы адаммен сөйлесуге рұқсат. Екі адам 2х5 метрлік камерада отырмыз”, — деп жазады Қайрат Құдайберген.

Оның айтуынша, бұл жердегі әжетхана мен төсек өте ыңғайсыз, адамға арналып жасалмаған.

“Осындай адам төзгісіз жерде "қылмыс жасады" деген күдікке ілінген адамдар отыр. Бар-жоғы "күдікті", бірақ жағдайлары кәдімгі түрмедегі қылмыскерлерден нашар. Тергеу изоляторларында жұмыс істейтін адамдар да жүйені өзгерту керек екенін айтады”, — дейді кәсіпкер.

Еске сала кетейік, кәсіпкер және Алматы қалалық мәслихатының экс-депутаты Қайрат Құдайбергеннің қаңтар айындағы тәртіпсіздіктерді ұйымдастырды деген күдікпен тергеу қапасында отырғанына үш ай болды.

Бұған дейін Қайрат Құдайбергеннің атасы, Алматы қаласы Алатау аудандық Ардагерлер ұйымының төрағасы Қабдоллин Құдайберген президент Қасым-Жомарт Тоқаевқа үндеу жолдап, немересіне қатысты істе әділдік орнауына көмектесуді өтінген болатын.