×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Қазақстанда Гарвард университетінің өкілі жұмыс істемек

27.06.2022, 09:53
фото: ашық дереккөзден

ҚСЗИ директоры Еркін Тұқымов Гарвард университетінің Қазақстандағы өкілі болатынын мәлімдеді, деп хабарлайды Ulysmedia.kz.

ҚСЗИ директоры Гарвардта болған қызықты оқиғаны әңгімеледі.

"Гарвардтағы соңғы сабақта, Кеннеди мектебінің ең танымал профессорларының бірі бәрімізге: диплом алғаннан кейін, барлық футболкаларыңызды, университеттің логотиптері бар бас киімдеріңізді дереу шешіңіздер, бұл оқу орнын бітіргендеріңізді ешкімге айтпаңыздар, адамдарды ашуландырмаңыз, мақтанудың қажеті жоқ. Сіздер жер бетіндегі ең ақылды адам емессіздер. Даналыққа толы сөз. Мен бұл кеңесті 6 жылдан бері ұстанып келемін", - деді ол.

Тұқымовтың айтуынша, оның құқықтары мен міндеттеріне Гарвардтың имиджі мен мүмкіндіктерін насихаттау, дарынды адамдарға ресми ақпаратты тарату арқылы Гарвардта оқуға көмектесу кіреді. Сонымен қатар, Гарвардтан бізге қажет ғалымдарды шақыруға қосымша мүмкіндік бар. 

"Ең бастысы, Қазақстанның дамуы үшін білім мен идеяларды жинап, бөлісу мүмкіндігі. Әсіресе, осындай тарихи, күрделі кезеңде. Сондықтан мен ел үшін пайдалы бір іс жасасақ деймін, бұл тек түлектерге ғана емес, жаңашылдыққа жаны құштар барша адамға қатысты. Барлық ұсынысқа ашықпын", – деп мәлімдеді ол.

Айта кетейік, Гарвард университеті – Әлемдегі ең танымал университеттердің бірі, АҚШ-тың ең көне университеті. Массачусетс штатының Кембридж қаласында орналасқан.

ЖОО жыл сайын ұлттық рейтингтерде көш бастап келеді, халықаралық маңызы бар ЖОО болып табылады. Шетелдегі ең беделді 10 университеттің ішінде ол екінші орында. 1636 жылдан бастап жұмыс істеп келеді.