Бүгін Ұлыбританияда король III Чарльздің таққа отыру рәсімі өтеді. Бұл тәж кию араға 70 жыл салып жалғасын тауып жатыр. Бұл туралы Ulysmedia.kz хабарлайды.
Әлемнің түкпір-түкпірінен корольдік жанкүйерлер қазірдің өзінде Лондон көшелеріне жиналуда. Жүздеген мың адам король III Чарльздің тәж киюін Букингем сарайынан Вестминстер аббаттығына дейінгі шеру жолында сапқа тұрып тойлайды деп күтілуде.
Мереке үш күнге созылады. Британдықтар көше мерекелері, шерулер мен жұлдыздардың қатысуымен концерттер күтеді. Тәж кию рәсіміне барлығы 2 мыңға жуық адам шақырылды.
Батыс ақпарат құралдары тәж киюге шамамен 113 миллион еуро жұмсалатынын және бұл мемлекеттік рәсім болғандықтан, шығындар салық төлеушілерге түсетінін жазады.
Еuronews хабарлауынша, 1953 жылы марқұм патшайым Елизаветаның тәж киюіне 1,5 миллион фунт стерлинг жұмсалған, бұл бүгінгі ақшамен есептегенде 56 миллион еуроға тең.
Корольдік отбасы әлеуметтік желіде салтанатты шара ұйымдастырғаны үшін сынға ұшырады.
