×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Юрий Шатуновтың өліміне қатысты қылмыстық іс қозғалды

27.06.2022, 14:20
фото: ашық дереккөзден

Ресейдің белгілі әншісі, «Ласковый Май» тобының бұрынғы солисі Юрий Шатуновтың өліміне қатысты қылмыстық іс қозғалды, деп хабарлайды Ulysmedia.kz KP.RU басылымына сілтеме жасап.

Жедел-жәрдем Шатуновқа дер кезінде көмек көрсетпеген деген болжам бар. Алайда қылмыстық іс қандай бап бойынша қозғалғаны әзірге беймәлім.

«Юраның жағдайы үстелде отырғанда нашарлап кетті. Кенеттен кеудесін ұстап, тыныс алуы қиындады. Біз жедел жәрдем шақырған едік, бірақ диспетчер науқасты «өздерің алып келіңдер, әйтпесе, көп күтіп қаласыңдар» деп жауап берді. Жақын маңдағы жедел жәрдем бөліміне апарған едік, ол жақтағылар науқастың жағдайы ауыр деп ауруханаға жіберді. Сондағы берген көліктері  – ескірген, еш жабдығы жоқ Газель автокөлігі.

Юра ауруханаға жетпей көз жұмды. Ауруханада дәрігерлер оған көмектеспек болды, алайда қолдарынан ешнәрсе келмеді. Себебі ол кезде Юра қайтыс болған еді. Меніңше, ауруханаға жеткізгенше кеш болып кетті, қазір дәрігерлердің үстінен қылмыстық іс қозғалды» дейді марқұмның көмекшісі.

Еске сала кетейік, Юрий Шатуновтың қайтыс болғаны жайлы әншінің директоры Аркадий Кудряшов 23 маусымда мәлімдеген.