Цифрлық даму министрі Бағдат Мусин Астанадағы "Манхэттен" тұрғын үй кешеніндегі байланыс сапасын тексерді. Бұл туралы Ulysmedia.kz хабарлайды.
Оның айтуынша, «Манхэттен» тұрғын үй кешенінің тұрғындары байланыстың мүлдем жоқтығына шағымданған.
"Өткен жылдың соңында біздің департамент айыппұл салып, заң бұзушылықтарды жою туралы ұйғарым шығарды. Шындығында, операторлар біраз жұмыс атқарып, бүгінде тұрғындар мобильді интернетке қол жеткізіп отыр. Бірақ бұл әлі де жеткіліксіз. Радиожиілік қызметінің өлшемдері байланыс сапасының әлі де төмен екенін растайды», - деп қосты ол.
Тұрғын үй кешеніндегі интернет сапасына байланысты министрлік байланыс операторларына тағы бір айыппұл салды.
Сонымен қатар, Мусин кеңірек қамту үшін қосымша базалық станцияларды орнату қажеттігін жеткізді.
Министрдің айтуынша, бұл тұрғын ауданда көптеген абоненттер тұрады, олардың арасында базалық станцияларға қарсылар да бар.
"Операторлардың айтуынша, олар станцияны орнатуды ертең-ақ бастауға дайын, бірақ тұрғындардың қарсылығына тап болып отыр. Айтпақшы, бүгінге дейін 57 бас тарту туралы өтініш келіп түсті", - деді Мусин.
