Баутино ауылында Каспий жағалауынан 15 итбалық пен 4 бекіре балығының өлексесі табылды. Балық шаруашылығы комитеті осыған қатысты пікір білдірді. деп хабарлайды Ulysmedia.kz .
Комитет өлі жануарлардың табылғаны туралы ақпарат 6 мамыр күні кешке түскенін атап өтті.
«Осы факті бойынша полиция департаменті қылмыстық іс қозғады, оның аясында жануарлардың өлу себептері мен басқа да жағдайлары анықталатын болады», - деп хабарлады ведомстводан.
Бір күн бұрын аталған жерге жұмыс тобы барып, су мен ауа сынамасын жинаған.
«Теңіз жануарларының табылған өлекселерінің көпшілігі қатты ыдырау сатысында болғандықтан, өлім себептерін анықтау үшін гистологиялық сынамаларды алу мүмкін болмады. Каспий теңізінің жағалау аймағына мониторинг жалғасуда», - деп атап өтті комитетте.
Бұған дейін жағалаудағы өлі жануарлар мен балықтар Форт-Шевченко қаласынан 1,5 шақырымдай жерде табылғаны хабарланған болатын.
Итбалықтардың, бекіренің және кефальдың өлекселері жағада бірнеше жүз метрге дейін жатыр екен. Кейбіреулері қазірдің өзінде құмның астында қалған.
