×
478.39
489.68
7.95
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
478.39
489.68
7.95

Ералы Тоғжанов «5 жыл демалыссыз жұмыс істегенімен» мақтанды

28.06.2022, 11:07
Фото: Ашық дереккөзден

Үкімет басшысының орынбасары Ералы Тоғжанов «бес жыл бойы демалыссыз жұмыс істей жүргенін» айтты, деп хабарлайды Ulysmedia.kz.

Бүгін үкімет кулуарында Ералы Тоғжановқа журналистер сұрақ қойды.

«Неліктен депутаттар соншалықты ұзақ уақыт бойынша каникулға шығады? Президент жұмыс көп екенін айтты. Үкімет білуімізге демалысқа шықпайды ғой», - деді тілші.

Бұл сұраққа жауап берген вице-премьер алдымен өзі жайлы сөз қозғады.

«Менің өзім бес жыл бойы демалыста болмадым. Қалыпты. Жұмыс істеп жатырмыз. Көріп тұрсыздар ғой!?» - деді Тоғжанов.

Журналист оған қайтара «бәлкім, депуаттар сізден үлгі алу керек шығар, сіздей демалыссыз жұмыс істеп үйренгені дұрыс болар?» деп сұрады.

«Парламент пен депутаттық қызметке қатысты сұрақтардың барлығын өздеріне қою керек. Әркім өз жұмысына жауап бергені дұрыс», - деді ол.