×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Журналист Ирина Советжанқызы "Тұмардың" әділ берілмегеніне шағымданды

29.06.2022, 10:24
фото: ашық дереккөзден

Кеше елордада телевизиялық шеберлік үшін берілетін "Тұмар-2022" ұлттық сыйлығының жеңімпаздары марапатталды. Салтанатты шарадан соң журналист Ирина Советжанқызы өзі бақ сынаған аталымда жүлденің әділ берілмегеніне шағымданды, деп хабарлайды Ulysmedia.kz.

2017 жылдан бері табысталып келе жатқан "Тұмар-2022" ұлттық сыйлығында 10 номинация бар. Биыл сыйлық алуға 300-ге жуық өтінім келіп түскен, ең көп өтінім "Үздік деректі фильм", "Үздік ақпараттық бағдарлама", "Үздік әлеуметтік жоба", "Үздік тележурналист", "Үздік тележүргізуші" номинациялары бойынша қабылданған.

"Үздік тележурналист" аталымы бойынша үміткерлер тізіміне төрт журналист: «Qazaqstan» ұлттық телеарнасынан Оңғар Тоқанов,  «Хабар 24» телеарнасынан Владислав Цой, Бірінші кдаганал «Евразиядан» Мария Парфёнова және «31 арнадан» Ирина Советжанқызы енген болатын. Жүлде "Хабар 24" телеарнасының Оңтүстік Кореядағы меншікті тілшісі Владислав Цойға бұйырды. Ол салтанатты марапаттау кешіне Сеулден тікелей эфирге шықты.

Алайда Ирина Советжанқызы "Үздік тележурналист" марапаты өзіне тиесілі деп есептейді. 

“Ақиқатын айта алмасақ, не үшін журналистикада жүрміз? Дәл қазір Берік Уәли мырза маған тиесілі марапатты жұлып алып, басқа журналистке бере салды. Үлкен камера мені көрсетіп тұрмағанда, бұлай айтпас ем. Енді мұндай марапатарыңызға шақырмай-ақ қойыңыздаршы. Өздеріңіз бөлісіп алып, жүре беріңіздер. Жаңа Қазақстан шығар деп келдік қой”, – деп жазды журналист Facebook-те.