×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Қазақстандықтар ел банктеріне қанша қарыз?

29.06.2022, 15:14
фото: ашық дереккөзден

Елімізде жыл басынан бері несиелендіру көлемі 1 триллион теңгеден асты, деп хабарлайды Ulysmedia.kz LS агенттігіне сілтеме жасап.

Ұлттық банк мәліметінше, 2022 жылдың 1 маусымындағы жағдай бойынша банк секторында 19,5 трлн теңге несие бар. Ал 2022 жылдың 1 қаңтарында бұл көрсеткіш 18,5 трлн болған. Жыл басынан бері өсім 5,5% немесе 1,02 трлн жеткен.

19,5 триллион теңгенің 11,6 триллион теңгеден астамы (+8,3%) жеке тұлғалардың (жеке кәсіпкерлерді қосқанда), 8 триллион теңгеге жуығы (+1,7%) заңды тұлғалардың үлесіне тиеді.

Аталған несиелердің басым бөлігі Алматыда – 8,7 трлн теңге, Нұр-Сұлтанда – 2,7 трлн теңге, Қарағанды ​​облысында – 1,02 трлн теңге және Шымкентте – 1,01 трлн теңге берілген, - делінген хабарламада.

Одан кейін Ақтөбе – 609,8 млрд теңге, Атырау – 532,5 млрд теңге, Маңғыстау – 523,8 млрд теңге, Павлодар – 494 млрд теңге, Алматы – 483,9 млрд теңге және Қостанай облысы – 475,6 млрд теңге.

Несиенің ең аз көлемі Түркістан облысының банктерінде – 274,8 млрд теңге және Солтүстік Қазақстан облысында – 232 млрд теңге тіркелген.