×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Қаңтар оқиғасы: 46 адам бас бостандығынан айырылды

30.06.2022, 17:22
Фото: Ашық дереккөзден

Бас прокуратураның 1 қызмет бастығының орынбасары Елдос Қилымжанов Қаңтар оқиғасы бойынша мәліметтерді жариялады, деп хабарлайды Ulysmedia.kz.

«Бүгінге дейін Қаңтар оқиғасы бойынша бас бостандығынан айыру жазасынсыз 55 адамға үкім шықты. Мәселен, Талдықорған тұрғыны пистолетті, оның оқ-дәрілері мен жарық-дауысты гранатты ұрлап кеткен. Ол азамат өз кінәсін мойындап, жасағн ісіне өкініп, сотқа дейінгі тергеу амалдары барысында полиция қызметкерлеріне көмек көрсетті. Осыны ескере отырып, сот оған 3,5 жыл шартты түрде бас бостандығынан айырды», - деді Елдос Қилымжанов.

Оның айтуынша, жалпы Қаңтар оқиғасы бойынша сотқа 392 іс жолданған. Оның ішінде 445 адам сотталды. Сотталушылардың 46-і бас бостандығынан айырылған.

«Олар ауыр қылмыс жасап, билік өкілдеріне жапа шектіріп, мүліктерге залал келтірген. Шығынды жаба алмай, бұрын да сотты болғандар», - дейді ол.