2023 жылдың 12 мамырында Астана қаласының ауданаралық мамандандырылған тергеу соты күдікті Абылай Мырзахметовке қатысты 2 айға қамауға алу түрінде бұлтартпау шарасын қабылдады, деп хабарлады Ulysmedia.kz қалалық соттың баспасөз қызметіне сілтеме жасап.
10 мамр күні «Атамекен» ұлттық кәсіпкерлер палатасының бұрынғы басшысы Абылай Мырзахметов қамауға алынғанын хабарлаған болатынбыз.
Кейін Антикоррупциялық қызмет ол қандай қылмысқа қатысты ұсталғанын жария етті.
Кейбір ақпарат құралдарының хабарлауынша, ол «30 миллион доллар парамен» ұсталған. Бұл ақпарат ресми түрде расталған жоқ.
Абылай Мырзахметов өткен жылдың ақпан айында «Атамекен» ҰКП басқарма төрағасы қызметінен кетті.
Бұған дейін ол Қазақстан Республикасы Президенті жанындағы Экономикалық өсімді қалпына келтіру жөніндегі мемлекеттік комиссияның мүшесі болған.
Сондай-ақ «Қазақстан темір жолы» республикалық мемлекеттік кәсіпорны бас директорының міндетін атқарушы, «Самұрық-Қазына» қоры жанындағы Қоғамдық консультативтік кеңестің жауапты хатшысы болды.
