×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Өзбекстан Ауғанстанды өз аумағын атқылады деп айыптады

06.07.2022, 09:46
фото: ашық дереккөзден

Ауғанстан Өзбекстан аумағын реактивті снарядтармен атқылаған. Өзбекстанның Сыртқы істер министрлігі осындай мәлімдеме жасады, деп хабарлайды Ulysmedia.kz.

"2022 жылдың 5 шілдесінде сағат 16.20 шамасында Өзбекстанның шекаралас аумағында Ауғанстаннан ұшырылған бес реактивті снаряд құлады", — делінген СІМ хабарламасында.

Белгілі болғандай, құлаған кезде снарядтар жарылмаған, жергілікті тұрғындар арасында зардап шеккендер жоқ. Алайда Термез маңындағы төрт жеке үйге біршама зиян келген. Снарядтардың бірі футбол алаңынан табылды. Барлық оқ-дәрілерді жергілікті саперлер залалсыздандырды.

"Қазіргі уақытта Өзбекстанның құзыретті органдары Ауған тарапымен бірлесіп осы оқиғаның себептерін анықтау бойынша қажетті шараларды іске асыруда", - деп нақтылады ведомсвто

Ташкенттегі "Маъно" саяси бастамалар орталығының директоры Бахтиер Эргашев "Вести" басылымына берген түсініктемесінде мұндай оқиғалар шекаралас аудандарда үнемі болып тұратынын, сондықтан тұрғындарының үрейін тудырмайтынын айтты.

"Олар 1997-1998 жылдардан бастап атқылап келеді. Екі ай бұрын да осындай оқиға болған. Бұл таңғаларлық жайт емес, өйткені қоғам майданалды жағдайда өмір сүруге дағдыланған, ал термездердіктердің тіпті бойы үйренген", — деп түсіндірді Эргашев.