Fitch халықаралық рейтинг агенттігі тәуелсіз несие рейтингін «BBB» деңгейінде растады. Болжам «тұрақты», деп хабарлайды Ulysmedia.kz.
Баяндамада агенттік мамандары Қазақстан Республикасының рейтингін қолдайтын негізгі факторлар сыртқы күйзелістерге төзімділігін дәлелдеген мықты фискалдық және сыртқы теңгерім болып табылатынын атап өтті.
Есепте сондай-ақ елеулі активтер резервтері фискалдық икемділікті қамтамасыз етіп, елдің экономикалық тұрақтылығын қолдайтыны аталып өткен.
Сарапшылар ағымдағы шоттың оң сальдосы 11 жылдағы ең жоғары 3,4%-ға дейін айтарлықтай жақсарғаннан кейін 2024 жылға дейін сақталады деп күтеді. Олардың пікірінше, бұл Қазақстанның сыртқы балансын одан әрі нығайтады.
Жалпы, Fitch агенттігі Қазақстан экономикасы 2023 жылы 4,5%-ға, 2024 жылы 4,8%-ға дейін өседі деп болжайды.
Бұған дейін Standard&Poor's рейтингтік агенттігі болжамды «терістен» «тұрақтыға» көтерген болатын.
