Қазақстан президенті Қасым-Жомарт Тоқаев Қазақстанға «одақ мемлекетке қосылуды» ұсынған Беларусь президенті Александр Лукашенкоға жауап берді, деп хабарлайды Ulysmedia.kz.
«Таяуда Беларусь президенті Александр Григорьевич Лукашенко Қазақстанға Одақ мемлекетке қосылуды ұсынды. Мен оның қалжыңын бағалаймын. Мұндай қажеттілік жоқ деп ойлаймын, себебі басқа да интеграциялық бірлестіктер бар, оның ішінде Еуразиялық экономикалық одақ. Ядролық қаруға келер болсақ, бізге ол керек емес, себебі біз ядролық қаруды таратпау жөніндегі келісімшартқа және ядролық сынақтарға тыйым салу жөніндегі Шартқа қол қойғанбыз. Халықаралық құжаттар шеңберінде біз осы міндеттемелерге адал болып қаламыз», - дейді Қасым-Жомарт Тоқаев СҚО-ға барған сапарында.
Еске сала кетейік, бұған дейін Беларусь президенті Александр Лукашенко Қазақстанды Ресейдің ядролық қаруы үшін одақтық мемлекетке қосылуға шақырған еді.
«Мен Қасым-Жомарт Тоқаевты бұл мәселе алаңдатады деп ойламаймын. Бірақ егер кенет ешкімнің Қазақстанға және Ресей Федерациясымен біз сияқты тығыз қарым-қатынасына ешкім қарсы болмаса, амал өте қарапайым - Ресей мен Беларусь одағына кіру керек және бітті. Бәріне ядролық қару ортақ болады. Жарайды, бұл менің пікірім, бұл орыстардың пікірі емес. Бірақ бұл мүмкін деп ойлаймын. Бізде бірігудің бірегей мүмкіндігі бар екенін стратегиялық тұрғыдан түсінуіміз керек», - деді Лукашенко «Мәскеу» эфирінде. Кремль. Путин» ресейлік теледидардан.
