×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Сөгіс алған Сұлтанов Тоқаев сынаған «айналым схемасын» қорғап әлек

15.07.2022, 15:39
Коллаж: ulysmedia.kz.

Президент Тоқаев үкіметтің кешегі отырысында «айналым схемасын» сынап, бұдан былай сауда желілерін емес, өндірушілерге қолдау көрсетуді тапсырған. Сонымен бірге қант мәселесін көтере келе «мемлекет ұстанымын қорғай алмаған» екі министрдің бірі – Сауда және интеграция министрі Бақыт Сұлтановқа сөгіс берген. Алайда үкіметтің бүгінгі отырысында Сұлтанов «айналым схемасының» тиімділігін тағы да дәлелдемек болды, деп хабарлайды Ulysmedia.kz.

«Үкімет «айналым схемасының» көлемін 100 миллиард теңгеге дейін арттыруды ұсынып отыр. Менің сұрағым бар. Күтілетін әсер есептелді ме? Сауда желілеріне емес, тікелей өндірушілерге несие беру қисындырақ болар еді. Енді Үкіметтен жауап күтпеймін. Біз тиімділік тұрғысынан түпкілікті шешім туралы ойлануымыз керек», - деген еді Тоқаев кешегі отырыста.

Алайда ескертуге қарамастан Бақыт Сұлтанов «айналым схемасының» тиімділігі жайлы былай дейді.

«Бүгінгі таңда инфляцияның айтарлықтай импортына және дүрлікпе сұраныстың пайда болуына байланысты жаңа жағдайда пандемиялық және геосаяси шектеулердің нәтижесінде бұл тетік өзінің тиімділігін көрсетті. Тікелей өндірушілерге айналым және инвестициялық қаржыландыру мемлекеттің бизнесті қолдау жөніндегі бірқатар бағдарламаларында жүзеге асырылады. Сонымен бірге, «айналым схемасының» міндеті жергілікті атқарушы органдардың атынан әлеуметтік кәсіпкерлік корпорация, әлеуметтік маңызы бар азық түлік тауарлары өндірушілері мен өнім берушілерінің, сауда желілерінің өнімді жеткізу мерзімдерін, көлемдері мен бағаларын тіркейтін өзара міндеттемелерін бекітуден тұрады», - дейді ол.

Сұлтанов бірнеше мысал келтірді. Айтуынша, мәселен, Қарағанды облысында 2 709 тонна көлемінде картоп жеткізуге бөлшек саудада 85 теңге белгіленген бағамен келісімшарт сәуір айында жасалған. Ал коммерциялық баға сол уақытта 175 теңгені құраған.

«Нәтижесінде облыста картоп сатудың ең төменгі бағасы 135 теңгені қалыптастырды. Қырыққабат бойынша да осындай жұмыстар жүргізілді, Түркістан облысынан ерте егіннің өңіраралық ағындары жолға қойылды. Нарықты толтыру қорытындысы бойынша келісімшарт жасалған өніммен бағаны ең жоғары өсімнен 273 теңгеден 124 теңгеге дейін төмендетуге қол жеткізілді. Аталған жұмыс барлық өңірлер бойынша жүргізілді, осыған байланысты біз қазір өнім бағасының біртіндеп төмендеуін байқап отырмыз», - дейді ол.

Әйтсе де министр аталған механизмді мемлекет басшысы сынға алғанын да атап өтті.

«Аталған міндетті іске асырудың тиімділігін арттыру бөлігінде пысықтауды талап етеді. Апта сайынғы цифрлық Үкімет кеңсесінде жергілікті атқарушы органдармен селекторлық кеңес өткізілетін ақпараттық жүйе бойынша қазіргі таңда пысықтау жұмыстары жүргізілуде. Нарық қатысушылары белгілейтін нақты бағалар туралы халық пен бизнесті барынша ақпараттандыру қамтамасыз етіледі, сондай-ақ сауда желілерінің, өндірушілер мен жеткізушілердің тиімділігі көзделеді. Екінші жағынан, жалпы тауар айналымындағы әлеуметтік маңызы бар өнімдердің «айналым схемасын» қаржыландырудың көлемі бар болғаны 4%-ті құрайды. Сондықтан ол нарыққа толық әсер ете алмайды. Осыған байланысты, қаражат қозғалысы ашықтығының және олардың тиімділігінің артуына байланысты қаржыландыру біртіндеп ұлғаятын болады», - деді ол.