×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Франция Тоқаевқа Қазақстанды жаңғыртуға көмектеспек

15.07.2022, 18:49

Франция Тоқаевтың Қазақстанды реформалауға және жаңғыртуға деген ұмтылысын құптайды. Бұл туралы Францияның Қазақстандағы елшілігі  Дидье Канесс мәлімдеді, деп хабарлайды Ulysmedia.kz.

14 шілдеде француз халқының Ұлттық мейрамы – Бастилияның алыну күніне орай елшілікте өткізілген салтанатты қабылдауында екі елдің дипломатиялық қарым-қатынасының жыл өткен сайын нығайып келе жатқаны сөз болды.

2008 жылы стратегиялық серіктестіктің құрылуы – Қазақстан мен Франция байланысының барлық азимутта және үздіксіз дамуының бастауы. Сол  жылдан бастап екі мемлекеттің саяси диалогы тұрақты және барлық тақырыптар бойынша ашық. Салалық ынтымақтастықты қамтитын аймақтар көбейіп келеді. Бүгінде Франция Қазақстандағы шетелдік инвесторлардың үздік бестігіне кіреді.

“Президент Тоқаевтың ішкі сахнада импульспен қолға алған жаңа бағытына Франция ерекше назар аударып отыр. Франция оның Қазақстанды реформалауға және жаңғыртуға деген ұмтылысын ерекше құптайды. Экономикалық дамусыз және берік заң үстемдігінсіз, сонымен қатар ашық саяси пікірталассыз ешбір қоғам шынайы қанат жая қарқындай алмайды. Шындығында, бұл екі ұғым қатарласа іске асырылуы қажет. Сондықтан, биылғы жылдың басында орын алған Қазақстанды аза тұтқызған қайғылы оқиғалардан кейін, барлығымыз түсініп отырған бұл өзгерістердің іске асырылуын Францияның қолдайтыны анық. Франция Еуропалық Одақтағы серіктестерімен бірге, Қазақстан билігіне осы бағытты ұстана отырып ілгерілеуіне көмектесуге дайын”, – деді Франция елшісі.

Сондай-ақ, Дидье Канесс 20 маусымда Францияның төрағалығымен өткен Еуропалық Одақ пен Қазақстан арасындағы Ынтымақтастық Кеңесінің 19-шы отырысы тығыз қарым-қатынастың одан әрі жандануына екі тараптың да ниеттілігін көрсеткенін атап өтті.