Тарату комиссиясы банк істерін аяқтау үшін шаралар қабылдайды.
Алматы мамандандырылған экономикалық сотының 2021 жылғы 25 тамыздағы "Capital Bank Kazakhstan" АҚ қызметін мәжбүрлеп тоқтату (тарату) туралы шешімі 2021 жылғы 5 қазанда заңды күшіне енді. Бұл туралы Қаржы нарығын реттеу және дамыту агенттігінің (АРРФР) сайтында жарияланды, деп хабарлайды Kapital.kz
«2021 жылғы 5 қазанда Агенттік Төрағасының №313 бұйрығымен Capital Bank Kazakhstan тарату комиссиясы тағайындалды, ол банк істерін банк заңнамасына сәйкес жалғастырады”, - делінген реттеушінің ақпаратында.
Осылайша, тағайындалған тарату комиссиясы Capital Bank Kazakhstan істерін аяқтау және оның кредиторларымен есеп айырысуды қамтамасыз ету үшін шаралар қабылдайды.
Айта кетейік, Capital Bank-тің 2021 жылғы 24 маусымдағы міндеттемелері 23,1 млрд теңгені құрады.
2021 жылғы 1 қыркүйектегі жағдай бойынша, Capital Bank - тің заңды тұлғалар алдындағы міндеттемелері 18,6 млрд теңгеге, оның ішінде квазимемлекеттік сектор компаниялары алдындағы міндеттемелері 15 млрд теңгеге жетті. Бұл ретте Банктің жеке тұлғалар алдындағы міндеттемелері көрсетілген күні 0,2 млрд теңгеге дейін қысқарды, себебі Қазақстанның депозиттерге кепілдік беру қоры (ҚДКБҚ) Capital Bank Kazakhstan бөлшек салымшыларына банк-агент ретінде таңдалған Еуразиялық банк арқылы 1,4 млрд теңгеден астам төлем жасады.
Сондай ақ, бүгін "АТФБанк" лицензиясының қолданысы тоқтатылды.
«Қазақстан Республикасының банк заңнамасында көзделген банктік және өзге де операцияларды жүргізуге және "АТФБанк" акционерлік қоғамына ("First Heartland Jusan Bank" Акционерлік Қоғамының Еншілес банкі) берілген бағалы қағаздар нарығындағы қызметті жүзеге асыруға берілген лицензияның қолданылуын тоқтату туралы" Қаржы нарығын реттеу және дамыту агенттігі Төрағасы Бірінші орынбасарының 05.10.2021 ж. № 307 бұйрығына сәйкес. "АТФБанк" АҚ - ға ("First Heartland Jusan Bank" Акционерлік Қоғамының Еншілес банкі) Қазақстан Республикасының банк заңнамасында көзделген банктік және өзге де операцияларды жүргізуге және ерікті түрде қайтарылуына байланысты бағалы қағаздар нарығында қызметті жүзеге асыруға берілген лицензияның қолданылуы тоқтатылды", - делінген АРРҚБ хабарламасында.
Естеріңізге сала кетейік, 2 қыркүйекте АТФБанк Қазақстан қор биржасының мүшелігінен шығарылды. 3 қыркүйекте KASE сайтында "АТФБанк" АҚ (Jusan Bank АҚ ЕБ) және First Heartland Jusan Bank АҚ акционерлері бірлескен жалпы жиналыста АТФ Банктің Jusan Bank-ке ерікті қосылуы шеңберіндегі өткізу актісін бекіткені туралы ақпарат пайда болды. Сол күні АТФ Банк Директорлар кеңесінің барлық мүшелерінің өкілеттіктері мерзімінен бұрын тоқтатылғаны белгілі болды.
АТФБанкпен интеграция нәтижесінде Jusan Bank активтер мен капитал көлемі бойынша Қазақстанның ең ірі банктерінің үштігіне кіреді, ал оның активтердің шоғырландырылған көлемі 3 трлн теңге көрсеткішіне жетеді, бұл ҚР банк секторындағы нарықтық үлестің шамамен 10% - ын құрайды деп болжануда.
Естеріңізге сала кетейік, АТФБанктің Jusan Bank-ке қосылатыны туралы 2021 жылғы 16 наурызда жарияланған болатын.
