Үш жасар қыз қорғаныш дуалынан өтіп, бетон жаққа шығып, жыртқыштың негізгі қоршауының темірлерін қолымен құшақтап алған, деп хабарлайды Ulysmedia.kz Patriot tg-каналына сілтеме жасап.
Қолдары темір тордың арасында тұрып қалған қызды көрген аю оған қарай жүгірді. Бақытымызға орай, мұны хайуанаттар бағына келген адам байқап қалды. Ол қоршауға жүгіріп барып, баланы ұстап алды.
"Аю қоршаудың арғы жағында болды. Баланы көргенде аю оған қарай жүгірді. Осы кезде ер адам қоршаудан секіріп өтіп, қызды темір тордан жұлып алып, арқасымен құлап кеткен. Сосын ол қызды қорғаныш дуалынан өткізіп, екі әйелге берді. Олардың бірі – қыздың анасы.Ол тез арада қызын ұстап алып кетіп қалды. Қыз торлардан жыртқышқан жақын қалғанда әйелдер беседкада отырған. Ер адам баланы құтқару үшін жүгірген кезде ғана олар бұрылып, қызының қауіпті аумақта екенін түсінді», - деді оқиға куәгері Patriot басылымына.
Құтқарушы Астана қаласының тұрғыны Тілеген Әжібаев болды. Қорғаныс министрлігінде қызмет етеді, мансаптық офицер. Онымен тілші кездесті.
"Мен Астанадан Қарағандыға келдім. Балалармен хайуанаттар бағында қыдырып жүргенмін. Экскурсия кезінде мен қыздың бетон көтергішке көтерілгенін көрдім», - деді Тілеген Әжібаев.
