×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Қаңтар оқиғасы кезінде азапталған қырғыз музыканты Қазақстанға шақырылды

26.07.2022, 16:50
Коллаж: Ulysmedia.kz

Қазақстанның Бас прокуратурасы қырғыз музыканты Викрам Рузахуновтың елге келуі туралы келіссөздер жүргізіп жатыр, деп хабарлайды Ulysmedia.kz.

Бас прокуратураның мәліметінше, 10 ақпанда Алматы облысы бойынша сыбайлас жемқорлыққа қарсы қызмет Рузахуновқа қатысты азаптауды қолдану фактісі бойынша сотқа дейінгі тергеуді бастаған, алайда күдіктілер тобы әлі анықталмаған.

"Бүгінгі таңда іс бойынша Алматы қаласы, Алматы облысы ПД, ҰҚК ШҚ қызметкерлері мен медицина қызметкерлерінен жауап алынды, алайда күдіктілер тобын бірқатар себептер бойынша анықтау мүмкін емес (бейнежазбалар, келушілер мен жеткізілген адамдарды тіркеу журналдары жоқ, барлық жұмылдырылған қызметкерлер бетперде киген, оның ішінде медициналық және т.б.). Облыстық полиция департаментінен жоғарыда аталған оқиғаға қатысы бар барлық қызметкерлердің Рузахуновпен фотосуреті талап етілді", — делінген хабарламада.

Сондай-ақ, ведомство Рузахуновтың қатысуымен қажетті тергеу әрекеттерін жүргізу үшін ол бірнеше мәрте тергеу органына шақырылғанын жеткізді

"Қазіргі уақытта қауіпсіздік шараларын қамтамасыз ете отырып, оның келуі туралы келіссөздер жүргізілуде. Сотқа дейінгі тергеу жалғасуда және облыс прокуратурасының бақылауында", - деп қорытындылады Бас прокуратура.

Еске салсақ, Қазақстандағы қаңтар қырғыны кезінде Қырғызстанның 10-ға жуық азаматы ұсталып, босатылған. Олардың арасында белгілі қырғыз музыканты Викрам Рузахунов та болды. 

Ол әлеуметтік желіде видеоүндеу жариялап, әділет үшін күресетінін айтқан.

Ақпанда Қырғызстан прокуратурасы музыканның азапталуына байланысты қылмыстық іс қозғалғанын мәлімдеген. Жуырда көршілес елдің құқық қорғау органдары істі тергеу аяқталғанын хабарлады