Ulysmedia.kz редакциясы Алматы облысындағы 3,5 мың гектар жайылым жерді алып алған Forbes тізіміндегі олигарх кім екенін анықтап көрді.
Редакцияның дереккөзі ол олигархтың Яков Цхай екенін хабарлайды.
«2017 жылы ол бұл жерді иемденген. Әлбетте, өз адамының атына аударған», - дейді дереккөз.
Еске сала кетсек, Бас прокуратура бүгін Еңбекшіқазақ ауданындағы 3500 гектар жер қайтарылғанын хабарлаған еді.
«2017 жылы Форбс тізіміндегі белгілі кәсіпкерге оларды шалғайдағы (маусымдық) мал шаруашылығына арналған жерлер құрамынан шығару жолымен заңсыз берілген. Қазіргі уақытта үшінші тұлғаларға жерді қайта беру фактілерін болдырмау мақсатында аталған жерлерді жергілікті тұрғындар үшін қоғамдық жайылымдарға беру бойынша жұмыстар жүргізілуде», - деп хабарлаған еді құзырлы ведомство.
