Қазақстанда түрлі мәселелерді шешкені үшін лауазымды тұлғаларға пара беруге итермелеу жағдайлары және алаяқтық жиіледі, деп хабарлайды Ulysmedia.kz.
Антикор мәліметінше, соңғы үш жылда ведомство өндірісінде алаяқтық фактілері бойынша 600-ден астам қылмыстық іс болған. 313 адам сотталды.
“Қазір Сыбайлас жемқорлыққа қарсы қызметтің өндірісінде алаяқтарға, делдалдарға және пара беруге итермелеушілерге қатысты бірқатар қылмыстық істер бар. Алаяқтарға берілген ақшалай қаражаттың жалпы сомасы 17 млрд теңгеден асады”, – делінген хабарламада.
Айта кетейік, бұдан бұрын Тараз тұрғыны мемлекеттік органмен мәселені шешу сылтауымен шетелдік кәсіпкердің 200 мың долларын қалтаға басқан еді.
