Көкшетау қоғамдық кеңесінің мүшесі Мәлік Ахметқалиевтің ұсталғаны белгілі болды, деп хабарлайды Ulysmedia.kz.
Тінту барысында Ахметқалиевтен ішінде ақ түсті ұнтақ бар бір полиэтилен байламы, болжам бойынша синтетикалық зат табылды.
Қала тұрғындары оны бірнеше рет өзекті мәселелерді көтерген қаланың қоғамдық кеңесінің белсенді мүшесі ретінде біледі, деп жазады Kokshetau Asia басылымы.
"Дереккөздерден белгілі болғандай, сараптама есірткіге мас болу және қанда синтетикалық есірткінің болуы фактісін жоққа шығарды", - делінген басылымда.
Сонымен қатар, Ақмола облысының ПД 21 маусымда есірткі заттарын аса ірі мөлшерде сақтады деген күдікпен 1983 жылы туған ер адам ұсталды деп хабарлады.
Ұсталған адамнан алынған зат мефедрон болып шықты.
Бұл факті бойынша тергеу жүргізілуде. Полиция ұсталған адамның зәрінде каннабиноидтардың бар екені анықталғанын мәлім етті.
