×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Әлем чемпионын жеңген қазақстандық теннисшілер ширек финалға шықты

03.08.2022, 19:33
Фото: Ашық дереккөз

Чехияның Простеев қаласында теннистен 14 жасқа дейінгі жасөспірімдер арасындағы әлем чемпионаты жалғасуда. Қазақстан өз тобындағы екі ойында жеңіп, ширек финалға өтті, деп хабарлайды Ulysmedia.kz

Қазақстан командасы топтағы үшінші әрі шешуші матчта теннистен қазіргі әлем чемпионы Италия командасымен кездескен болатын. 

Біздің команда сапынан Даниел Тазабеков алғаш болып жеңіске жетті. Ол Сальваторе Тартальонені 6:0, 6:3 есебімен жеңді. 

Ал құрама көшбасшысы Заңғар Нұрланұлы өте тартысты кездесуде Антонио Марияльноны 4:6, 6:4, 6:3 есебімен тізе бүктірді. 

Осылайша, Қазақстандық жас теннисшілер ел тарихында алғаш рет әлем чемпионатының ширек финалына өтті. Топтық кезеңде біздің спортшылар Эквадордан жеңіліп, Аргентина және Италиядан басым түскен болатын.