Қазақстанда ақшаны заңсыз жолмен жылыстатуға қарсы заң жобасы әзірленеді

Заң жобасы президенттің «Қазақстан Республикасының 2030 жылға дейінгі құқықтық саясат тұжырымдамасын бекіту туралы» Жарлығында көзделген қаржылық тергеу институтын енгізумен байланысты деп түсіндіріледі.

Осыған байланысты құжат негізінде бірқатар шара қабылданбақ:

• ақшамен немесе өзге мүлікпен операцияларды жүзеге асыратын, финмониторингке жататын тұлғаларды санаттау арқылы олардың қызметін төмен немесе жоғары тәуекел дәрежесі санатына жатқызу, сондай-ақ ҚЖА-ге финмониторинг субъектілеріне тиісті тізімдерді жіберуге уәкілеттік беру;
• әлеуметтік медициналық сақтандыру қорын қаржы мониторингі субъектілері қатарынан алып тастау;
• «Азаматтарға арналған үкімет» КЕАҚ-ның, тауар биржасының мүшелері болып табылатын брокерлер мен дилерлердің қаржы мониторингі субъектілері деп тану;
• қаржы мониторингі субъектілеріне қатысты заңнама талаптарын сақтау тұрғысынан бақылауды жүзеге асыру бойынша тиісті мемлекеттік органдардың құзыретіне енгізу.