×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

Ислам ойындарының ашылу салтанатында еліміздің көк туын кім ұстайтыны анықталды

07.08.2022, 18:21
Фото: Спортты дамыту дирекциясы

Бүгін Қазақстан құрамасын Түркияның Конья қаласында өтетін V Ислам ойындарына шығарып салу рәсімі өтті, деп хабарлайды Ulysmedia.kz.

Салтанатты іс-шараға Спорт және дене шынықтыр істері жөніндегі Комитетінің төрағасы Самат Ерғалиев, Сидней Олимпиадасының чемпионы Ермахан Ыбырайымов қатысты. 

Түркияға аттанатын спортшылар арасында күрестен Қазақстан командасы, ауыр атлеттер және семсерлесу шеберлері бар. 

“Биылғы Ислам ойындарына үлкен құраммен аттанғалы отырмыз. Осыдан бес жыл бұрын Бакуде өткен додаға 35 спортшыны ғана апарған едік. Биыл 127 атлетті жарысқа қосамыз.  Сіздерге артылар сенім зор, жауапкершілік жүгі ауыр. Еліміздің намысын абыроймен қорғауларыңа тілектеспін”, – деді Ерғалиев. 

Олимпиада чемпионы Ермахан Ыбырайымов атлеттерге ақ батасын беріп, сындарлы сәтте намысты қолдан бермеуге шақырды. 

Ал ойынның ашылу салтанатында Қазақстанның көк байрағын семсерлесуден 23 жасқа дейінгі спортшылар арасындағы Азия чемпионы Ерлік Сертай алып шығады.