×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

"Жаңбыр, найзағай, жел": 9 тамызда күн райы қандай болады

09.08.2022, 07:56
Фото ашық дереккөзден

Синоптиктердің мәліметіне сүйенсек, атмосфералық фронталды бөліктердің өтуіне байланысты 9 тамыз күні еліміздің басым бөлігінде жаңбыр жауады, деп хабарлайды Ulysmedia.kz.

Орталықта, күндіз солтүстікте және оңтүстік-шығыстың таулы аудандарында қатты жаңбыр, найзағай, екпінді жел болжанады. Күндіз бұршақ жауып, оңтүстік-шығыста дауыл тұруы ықтимал.

Республиканың солтүстігінде түнде және таңертең тұман, оңтүстігінде таңертең және күндіз шаңды дауыл күтіледі.

Атап айтқанда, Қарағанды облысының солтүстігінде, шығысында, күндіз Ұлытау облысының солтүстігінде, шығысында Ақмола облысының шығыс жартысында, Жамбыл облысының таулы аудандарында, күндіз Алматы облысының таулы аудандарында қатты жаңбыр жауады.

Күндіз Батыс Қазақстан облысының оңтүстігінде қатты ыстық күтіледі, Атырау облысында қатты ыстық сақталады.

Қызылорда облысының басым бөлігінде, Түркістан облысының оңтүстігінде, шығысында төтенше өрте қаупі сақталады.