×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

Оллахи... Сайқал саясаткерлердің жаласына нанбаңыздар – Бекболат Тілеухан

10.08.2022, 09:08
Фото: Спутник.кз

Экс-депутат Бекболат Тілеухан Түркия азаматтығы жөніндегі ақпаратты жоққа шығарды, деп хабарлайды Ulysmedia.kz.

«Қадірлі бауырларым! Бұл мәлімдемеге себеп болып отырған – көптеген жанашыр бауырларымның хаттары, жазып жатқан посттары. Ойладым ғой мен ақылға сыймайтын нәрсе, ел нанбайтын шығар деп. Сөйтсем, ел иланып жатыр мен басқа елдің азаматтығын алуға өтініш беріпті дегенге. Кәдімгідей нанып жатыр ел, ақылға сыймайтын, қисынға томпақ нәрсеге нанып жатыр. Менің Данияр, Олжас, Қуат сияқты бауырларым, мен үшін аяулы болған, аңғал, батыр жігіттер ғой, нанғыш. Солар нанып, шашып пост жазғанын көрген кезде бүйтіп мәлімдеме жасамаса болмайтынына көзім жетіп айтып отырмын», - деп аудиожазба таратты Бекболат Тілеухан фейсбук парақшасы арқылы.

Аудиожазбада ол ешқандай елдің азаматтығын алмайтынын мәлімдеді.

«Айтайын дегенім, қадірлі бауырлар! Мен ешқандай да бөтен елдің азаматтығын өтініш берген жоқпын. Алла куә. Оллахи, Қазақстанда екі азаматтыққа тыйым салынған. Көк паспорттан айырылатын ойым жоқ. Сайқал саясаткерлердің жаласы. Кәдімгі жала бұл. Нанбаңыздар! Ұлыс медианы сотқа берем. Енді олар сотқа беретінді біліп, әртүрлі жасауы мүмкін ғой: өтірік программамен өтірік бірдеңелер бар. Бірақ оған эксперт бар. Сотта кездесеміз, аманшылық болса. Айтайын дегенім, қадірлі бауырлар, ешқашан ондай өтірікке нанушы болмаңыздар!» - дейді ол.

Еске сала кетсек Ulysmedia.kz порталына келіп түскен дереккөзге сәйкес, экс-депутат Бекболат Тілеухан Түркия азаматтығын алуға өтініш бергенін бұған дейін хабарлаған болатынбыз.

Қаңтар оқиғалары басталар алдында Бекболат Тілеуханның Мәжіліс депутаты ретіндегі өкілеттігі мерзімінен бұрын тоқтатылған болатын. Оның өзі Парламенттен кету себебін Бүкіләлемдік этноспорт конфедерациясының бірінші вице-президенті болып тағайындалуымен түсіндірген.