1 тамызда түнде «Компания САЛАМАТ» ЖШС диірмен кешенінің аумағында екі астық қоймасы қирады, деп хабарлайды Ulysmedia.kz.
Бұл туралы ҚР ТЖМ Өндірістік қауіпсіздік комитеті мәлім етті.
«Болжам бойынша, оған найзағай түскен. Бұл жағдай апат деп қарастырылады. Құрбандар мен зардап шеккендер жоқ», - деп хабарлады ведомство.
Оқиға орнында комитеті қызметкерлері жұмыс істеп жатыр.
«Оқиғаға қатысы бар адамдардың бәрі анықталғаннан кейін, департамент апатты тергейтін комиссия құрады. Тергеу нәтижесі қосымша хабарланады», - деп толықтырды Өндірістік қауіпсіздік комитеті.
