Экономикалық ынтымақтастық және даму ұйымының болжамдары бойынша 2021-2022 жылдары әлемдік экономика қалпына келу үдісін жалғастырады. Бұл туралы үкіметтің бүгінгі отырысында ұлттық банк төрағасы Ерболат Досаев мәлім етті, деп хабарлайды ulysmedia.kz.
«Биылғы жылдың үшінші тоқсанында әлемдік экономика пандемияға дейінгі деңгейге қайта оралды. Экономикалық ынтымақтастық және даму ұйымының болжамдары бойынша 2021-2022 жылдары ол қалпына келуді жалғастырады. 2021 жылы әлемдік ішкі жалпы өсімнің өсуі 5,7%-ті құрайды. Оның ішінде Қазақстан Республикасының негізгі сауда серіктестері болып табылатын елдер арасында Еуроаймақта 5,3%, Қытайда – 8,5%, Ресейде – 2,7% өсім күтіледі», - дейді Ерболат Досаев.
Оның айтуынша, әлемдегі іскерлік белсенділік индексі 3 ай төмендегеннен кейін қыркүйекте қызмет көрсету секторы есебінен 52-ден 53-ке дейін өскен.
«Әлемдік экономиканың жылдам қалпына келуі фискалдық ынталандыру тетіктері мен жеңіл ақша-несие талаптары есебінен мүмкін болып отыр», - дейді Досаев.
