Министрліктің мәліметінше, Жетісу облысында қазір жағдай тұрақты, су басқан үйлер жоқ, деп хабарлайды Ulysmedia.kz.
Жұмылдырылған күштер мен құралдар жүргізген инженерлік және су сору жұмыстарының нәтижесінде Жетісу облысының елді мекендерінің аулалар мен аулалар маңы аумақтарынан су кеткен. Жалпы 3 456 текше метр су сорылды.
Құтқарушылар тұрғындарға аула аумақтарын қоқыс пен балшықтан тазартуға көмек көрсетіп жатыр.
Эвакуациялау пунктінде 16 адам, оның ішінде 7 бала қалды.
Қазгидрометтің болжамына сәйкес 13 тамызда түнде Жетісу облысының оңтүстігінде, таулы аудандарында қатты жаңбыр күтіледі. Облыстың оңтүстігінде, таулы аудандарында найзағай, күндіз бұршақ, дауыл күтіледі. Солтүстік-батыстан жел соғады, облыстың оңтүстігінде, шығысында, таулы аудандарында екпіні15-20, кей уақытта 25-28 м/с.
