×
478.9
459.98
8.24
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
478.9
459.98
8.24

Мәскеу-Алматы бағыты бойынша әуе билеттерінің қымбаттауы: ААК жауап берді

22.09.2022, 08:40
Фото ашық дереккөзден

Әлеуметтік желіде Мәскеу-Алматы бағыты бойынша әуе билеттері күрт қымбаттағаны туралы ақпарат тарауда. Аталған мәселеге байланысты Азаматтық авиация комитеті өз Telegram парақшасында пікір білдірді,деп хабарлайды Ulysmedia.kz.

Ресейде шығатын The Village басылымының мәліметіне сүйенсек, бүгін 21 қыркүйек күні Мәскеуден Алматы мен Дубайға ұшатын тікелей рейстердің билеті таусылған. Бұл рейстің құны тіпті 7 829 676 теңгеге бағаланған. Ал Қазақстанға басқа қалалар арқылы ұшатын билеттің құны күрт қымбаттап, 500 мың теңгеге таяған. 

Ресей қалаларынан Ереван, Тбилиси, Анталия сияқты қалаларға ұшатын рейстердің құны да күрт қымбаттап кеткен. Грузияға барғысы келген ресейліктер үшін 56 мың рубль (437 мың тг), тікелей Ереванға ұшатын билеттер шамамен 93 мың рубльге (725 мың тг) сатылып жатыр, делінген басылым ақпаратында.

Одан бөлек, Түркияға билет іздеген ресейліктер үшін бүгін тек 70 мың рубль, яғни 550 мың теңге болатын билеттер қалғанын хабарлануда.

Ресей мен Қазақстан арасында біздің отандық екі әуе тасымалдаушы жұмыс істейді. Бірі – Scat компаниясы болса, екінші Qazaq Air. Ал Air Astana компаниясы сақтандыруға кететін шығын өзін-өзі өтей алмайтын болған соң 2022 жылдың наурызынан бері екі ел арасында рейс ұшырмайды. Әуе билеттерінің құны қымбаттағаны жөнінде тараған ақпаратқа қатысты Азаматтық авиация комитеті жауап берді. 

"Әлеуметтік желілерде Мәскеу – Алматы бағыты бойынша билеттердің бағасына қатысты таратылып жатқан ақпараттағы билеттердің құны Дубай арқылы Мәскеу – Дубай ("Emirates" әуе компаниясы) және Дубай – Алматы ("Эйр Астана"әуе компаниясы) бағыты бойынша транзиттік рейстерді ескере отырып көрсетілгенін хабарлаймыз.

Мәскеу – Алматы және Дубай – Алматы бағыттары бойынша қазақстандық әуе компаниялардың тікелей рейстерінде тарифтер өзгермегенін атап өту қажет.

Мысалы, 2022 жылғы 21 қыркүйек сағат 18:00-дегі жағдай бойынша:

2022 жылғы 24 қыркүйектегі Мәскеу (Внуково) – Алматы бағыты бойынша "SCAT" қазақстандық әуе компаниясының рейсіне билет құны 253688 теңгені және ағымдағы жылғы 29 қыркүйектегі бағасы 208078 теңгені құрайды.

2022 жылғы 22 қыркүйектегі Дубай-Алматы бағыты бойынша "Эйр Астана" әуекомпаниясының рейсіне билет құны 334146 теңгені құрайды",- деді ААК өкілдері.