×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Ulysmedia басшысы үздік бас редактор атанды

24.09.2022, 17:25
Фото: Ашық дереккөз

Астанада «Журналистер күні» форумы аясында PR мамандары түрлі номинациялар бойынша БАҚ қызметкерлерін марапаттады, деп хабарлайды Ulysmedia.kz.

Әр номинация бойынша 5-6 үміткер ұсынылды. Үздіктер 23 қыркүйекте Астанада өткен 10-шы PR форумға жиналған қазақстандық ірі компаниялардың PR мамандарының онлайн дауыс беруі арқылы таңдалды.

Үздік бас редактор болып Самал Ибраева (Ulysmedia.kz) танылса, осы аталымда Inbusiness.kz сайты қазақ тіліндегі нұсқасының бас редакторы Нағашыбек Алдан да жүлдегерлер қатарынан көрінді.

Үздік онлайн-журналист Vlast.kz сайтынан Тамара Вааль болды.

Ең жақсы авторлық телеграм-канал - BES.media.
Телевизияның үздік тұлғасы – «Апта» журналисі Амангелді Сейітхан.
Ең үздік телеарна – Хабар 24.
Ең үздік радио – Orda.FM.
Үздік қоғамдық пікір жетекшісі – Ринат Балғабаев.
Ең жақсы онлайн БАҚ – zakon.kz.
PR-форум – үкіметтік және корпоративтік коммуникациялар нарығына арналған жыл сайынғы салалық конференция. Форумның ұйымдастырушылары – Әсел Караулова, Татьяна Бендз, Диана Окремова.

Астанадағы «Журналистер күні» форумы 200-ге жуық журналистің, PR мамандарының, блогерлер мен қоғамдық пікір көшбасшыларының басын қосты. Шараның серіктестері Jusan Bank, Қазақстан баспасөз клубы, Olimpbet, Pernod Ricard, First Brewery, VNV club, tickets.kz RG Brands, Turan water болды.

Айта кетейік, бұл форум алғаш рет осыдан 8 жыл бұрын Алматыда өткен болатын, содан бері жыл сайын ұйымдастырылатын дәстүрлі шараға айналды.