×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

Ақтауда полицейлер әйелді суицидтен құтқарып қалды

02.10.2022, 17:47
Фото: Ашық дереккөз

1 қазан түнгі сағат 01.40 шамасында 102 желісіне Ақтау қаласының көпқабатты үйлерінің бірінің 5-қабатының балкон қоршауынан әйел адамның секірейін деп жатқандығы туралы хабар түсті, деп мәлімдейді Ulysmedia.kz.

Шақыртуға патрульдік полиция жасағы және ПБ арнайы қабылдау орнының бастығы барды. 

“41 жастағы азаматша балкон қоршауына отырып, ешкімнің өзіне жақындамауын талап еткен. Арнайы қабылдау орнының бастығы Өркен Жүсіпбеков онымен әңгімелесіп, одан асығыс әрекеттер жасамауды өтінді. Полиция қызметкері әйелді сөзге тартып, көңілін аулап, оған жақындай бастады. Секіруге дайын тұрған әйел қолын жібере бергенде тәртіп сақшысы жылдам әрекет етіп, санаулы секунд ішінде оны ұстап алды”, – деп жазды Маңғыстау облыстық полиция департаментінен. 

Әйелдің мас күйде болғаны анықталды. Жеке басын анықтау барысында оның наркологиялық есепте екені белгілі болды. 

Ол жедел жәрдем қызметкерлеріне тапсырылды.