Еуропаның төрт елінің (Польша, Латвия, Эстония және Литва) ішкі істер министрліктерінің басшылары Беларусьпен шекараны толығымен жабу мүмкіндігін талқылады, деп хабарлайды Ulysmedia.kz.
Өз мәлімдемесінде министрлер Беларусьті «Вагнер тобын» мемлекет аумағынан шығаруға, шекаралық аудандардан барлық заңсыз мигранттарды шығарып, туған елдеріне қайтаруға шақырады.
Литва Ішкі істер министрлігінің басшысы қарулы оқиға немесе заңсыз мигранттар ығысып кеткен жағдайда елдер Беларусьпен шекараларын толығымен жауып тастайтынын мәлімдеді.
Ол екі критерийдің негізінде шешім қабылданатынын түсіндірді.
«Біріншіден, егер бір елдің шекарасында қарулы оқиға немесе басқа да жағдайлар орын алса. Оқиға біздің елдеріміздің ұлттық қауіпсіздігіне үлкен қауіп төндіретіндей болуы керек. Екінші критерий – бір мемлекеттің шекарасы арқылы заңсыз мигранттардың ұйымдасқан түрде жаппай енуі», - деді ол.
Еске салайық, бір күн бұрын Қорғаныс министрлігінің басшысы қазақстандық әскерилердің Украинамен шекарадағы ҰҚШҰ оқу-жаттығуларына қатысу себебін атаған болатын.
