Қазақстандық теннисші Жібек Құламбаева Польша спортшысы Мартина Кубокамен бірге Чехия астанасында өткен ITF турнирінде жұптық сайыста жеңіске жетіп, чемпион атанды, деп хабарлайды Ulysmedia.kz.
Финалда олар Анжелика Морателли мен Камилла Росателло бар итальяндық дуэттен басым түсіп, екі сетте де 7:6, 6:4 есебімен Қазақстан-Польша құрамасының пайдасына жеңіске жетті.
Айта кетейік, Жібек Құламбаева бұған дейін Римде өткен ITF турнирінде беларусь серіктесі Юлия Готовкомен күш сынасқан жұптық сайыста бірінші орынды жеңіп алған болатын.
