Алты айда қанша қазақстандық банкрот мәртебесін алғаны белгілі болды, деп хабарлайды Ulysmedia.kz.
"Бірінші кредиттік бюро" мәліметінше, 4 қыркүйекте алғашқы қазақстандықтар банкрот мәртебесін алды. Қазір олардың саны – 302.
"Бүгінде банкроттардың берген өтініштері бойынша қарыздың жалпы сомасы шамамен 708,5 миллион теңге болды, яғни орташа есеппен бір адамға 2,3 миллион теңгеден сәл астам", - делінген хабарламада.
Қарыздың ең жоғары сомасы - 106,5 млн теңге (өтініш Алматыда берілді), ал ең төменгісі - 48,5 мың теңге (Қарағанды облысынан).
Алматы қаласында банкрот мәртебесін 51 адам алған. Одан кейінгі орында Қарағанды (34) және Алматы (24) облыстары тұр.
Ең жоғары орташа қарыз мөлшері Батыс Қазақстан облысында. Мұндағы көрсеткіш 8 миллион теңгеге жуықтады. Ал ең төменгі орташа қарыз сомасы Түркістан (883 мың теңге) және Абай (998,9 мың теңге) облыстарында тіркелген.
Еске салайық, президент Тоқаев 2022 жылғы 30 желтоқсанда "Қазақстан Республикасы азаматтарының төлем қабілетін және банкроттықты қалпына келтіру туралы" ҚР Заңына қол қойды.
2023 жылдың 3 наурызында азаматтардың банкроттық туралы өтініштерін қабылдау басталды.
