Қазақстан Сенатының бұрынғы депутатының ағасы Мұрат Сафин Лондонның солтүстігіндегі үйін 3,5 млрд теңгеге сатты, деп хабарлайды Ulysmedia.kz.
Мұнай олигархы Сафин зәулім үйді 2017 жылы 4,8 миллион фунт стерлингке сатып алған.
Үйде бес жатын бөлме, ас үй, қонақ бөлме, оқу бөлмесі, бассейні жеке бақшасы бар. Сарапшылардың пікірінше, сарай Лондондағы ең қымбат үйлердің бірі.
Сафин үйді 5,75 миллион фунт стерлингке сатқан.
"Бұл мәміле Мұрат Сафинге Қазақстандағы мұнай бизнесіне қарағанда бірнеше есе көп табыс әкелді. Өткен жылы "Атыраумұнайгазгеология" АҚ 65 млн теңге шығынға ұшырады, ал North Caspian Petroleum осы жылдың шілдесінде қаржылық есептілікті ұсынбау салдарынан қазақстандық қор биржасында листингтен айырылды", - деп жазды «Выход к морю» басылымы.
Айта кетерлігі, Сенаттың бұрынғы депутаты, Сафиннің ағасы Қанатбек 2019 жылдың сәуіріне дейін Мұрат Сафиннің North Caspian Petroleum компаниясымен келісімшартқа отырған Энергетика министрлігінде жауапты хатшы болып жұмыс істеді.
Сондай-ақ Мұрат Сафин 2014 жылы Францияның Монако княздігімен шекарасындағы вилланы 3 миллион еуроға сатып алғаны хабарланды. Сарапшылардың айтуынша, оның бағасы қазір әлдеқайда қымбат.
"Бұл "Атыраумұнайгазгеология" активтерінің жартысына жуығы", - делінген хабарламада.
Айта кетсек, бұған дейін Шамалғандағы Әнипа Назарбаеваға тиесілі колледж мемлекет меншігіне қайтарылғаны хабарланған болатын.
