Түркияда жол апатына ұшыраған отбасының отағасы да қайтыс болды, деп хабарлайды Ulysmedia.kz.
Бұл туралы Сыртқы істер министрлігінің ресми өкілі Айбек Смадияров мәлім етті. Оның сөзінше, отбасы мүшелерінің денесі бүгін Қазақстанға жіберіледі.
Естеріңізге сала кетсек, 4 қыркүйек күні Түркияның Алания қаласында сафари-көлік пен жеңіл автомобильдің соқтығысуы салдарынан журналист, «Зейін Атырау» ерекше балаларды оңалту орталығының негізін қалаған Арайлым Бағытжан мен 2 жасары қызы оқиға орнында көз жұмды. Ал отбасының отағасы жансақтау бөліміне түскен еді.
Бұдан бұрын СІМ апаттың мән-жайын айтып берген.
