Ресейде коронавирус пандемиясында алғаш рет бір тәулікте 31 мыңнан астам ауру жұқтырғаны анықталды, деп хабарлайды ulysmedia.kz.
dw.com-ның мәліметінше, 14 қазанда коронавирус инфекциясымен күрес жөніндегі жедел штаб елде соңғы 24 сағат ішінде 31 299 адам ауру жұқтырғанын хабарлады. Ресейде коронавируспен ауырып жатқандардың жалпы саны 7 892 980-ге жетті.
Сондай-ақ, өткен тәулікте Ресейде 986 адам осы дерт салдарынан көз жұмды. Ал бір күн бұрын 984 адам қайтыс болған. Жалпы елде пандемия басталғалы бері 220 315 адам қайтыс болды.
