Қазақстан Ұлттық банкі Бірыңғай жинақтаушы зейнетақы қорынан шет мемлекеттердің бағалы қағаздарына 333,2 млрд теңге салды, деп хабарлайды Ulysmedia.kz.
Зейнетақы жинақтары салынған қағаздардың орташа жылдық табыстылығы 5,62%-ды құрайтыны хабарланды.
Атап айтқанда, қазақстандықтардың зейнетақысы АҚШ, Оман, Панама, Филиппин, Шарджа Әмірлігі, Катар, Марокко, Польша, Сауд Арабиясы, Венгрия, Индонезия, Мексика және Румынияның мемлекеттік бағалы қағаздарына салынды.
АҚШ-тың бағалы қағаздарына ең көп ақша салынған – 200 260 500 000 теңге. Екінші орында – Оман (34 049 926 000 теңге), үшінші орында Шарджа Әмірлігі (26 262 670 000 теңге) тұр.
Еске салайық, 2023 жылғы 1 шілдеден бастап «БЖЗҚ» АҚ салымшылары жинақтарының 50%-ға дейінгі бөлігін инвестициялық портфельді басқарушыларға (БЖЗ) жеткіліктілік шегін есепке алмай жарналардың міндетті түрлері арқылы аудара алады.
