Шығыс Қазақстан облысының Алтай қаласындағы Владимир Лениннің ескерткішін қалпына келтіруге қарсы петиция пайда болды, деп хабарлайды Ulysmedia.kz.
Қазіргі кезде құжатты 1196 адам қолдаған, 247 тұрғын өтінішке қарсылығын білдіріп, қол қойған.
Петицияның авторы Айгүл Мырзағалиева Лениннің кез келген ымыраға келу идеясын түбегейлі жоққа шығарғанын және кез келген мәселені шешудің жолы ретінде зорлық-зомбылықтың принципті жақтаушысы болғанын атап өтеді.
“Ол КСРО-ны көптеген халықтардың сүйегі мен қанына толтырды, қазақ ұлтын да қырып-жойды. Соның ішінде голодомор, қуғын-сүргін, соғыстар, жер аудару, Семей полигонындағы ядролық сынақтар, кеуіп қалған Арал теңізі, т.б. айтуға болады.
Қазақстан – тәуелсіз мемлекет, оның өзіндік тарихы мен мәдениеті бар. Мемлекетіміздің құрылуына, нығаюына, дамуына шынайы ықпал еткен, халық жадында мәңгілікке қалуға шын мәнінде лайықты ақын-жазушылар, ғалымдар, батырлар, хандар баршылық”, – делінген петицияда.
