Шетелге ақша аударымдары өсті: Қазақстан қаржысы қай елдерге кетіп жатыр

Ұлттық банк мәліметінше, өткен айда елден 98,7 млрд теңге кеткен, ал ақша аударымдарының ішкі көлемі 22,1 млрд теңгені құрады.

Ресейден аударымдардың азаюына байланысты шет мемлекеттерден Қазақстанға келген қаражат көлемі 69%-ға төмендеді.

Елімізден ақша алушы негізгі мемлекеттер:

Өзбекстан – 33,6 млрд теңге (шілдемен салыстырғанда +4,35%, 2022 жылдың тамызымен салыстырғанда -16,8%, жалпы сомадан үлесі – 34,1%);
Ресей – 22,4 млрд теңге (бір айда +12,5%, бір жылда +45%, үлесі – 22,7%);
Түркия – 20,6 млрд теңге (бір айда+27%, бір жылда -25%, үлесі – 20,9%);
Грузия – 8,6 млрд теңге (бір айда +17,8%, бір жылда +53%, үлесі – 8,7%);
Қырғызстан – 3,6 млрд теңге (бір жылда +28,5%, бір айда +10%, үлесі – 3,7%);
Барлығы – 98,7 млрд теңге (бір айда +11,5%, бір жылда -4,3%).

Шетелден алынған қаражат көлемі де шілдедегі көрсеткіштен біршама өсті, бірақ өткен жылмен салыстырғанда төмендеді. 

Қазақстанға ақша жіберетін негізгі елдер:

Ресей – 7,5 млрд теңге (бір айда -5%, бір жылда -77% жылға, жалпы соманың үлесі – 33,7%);
Өзбекстан – 2,8 млрд теңге (бір айда +12%, бір жылда -39%, үлесі – 12,5%);
АҚШ – 2,4 млрд теңге (бір айда -17%, бір жылда -38,4% үлесі – 10,9%);
Корея Республикасы – 2,3 млрд теңге (бір айда -25%, бір жылда -39%, үлесі – 10,3%);
Түркия – 1,5 млрд. теңге (бір айда +7%, бір жылда -11%, үлесі – 6,7%);
Барлығы – 22,1 млрд теңге (бір айда +9%, бір жылда -69%).