×
468.98
493.74
7.59
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
468.98
493.74
7.59

Мәжіліске тағы бір жаңа депутат қосылды

23.11.2022, 10:20

«Ақ жол» партиясының мүшесі Фуат Сатыбаев мәжіліс депутаты ретінде ант берді, деп хабарлайды Ulysmedia.kz.

Бұған дейін Орталық сайлау комиссиясы Фуат Сатыбаевты мәжіліс депутаты ретінде тіркеген болатын.

«Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін", деді Сатыбаев мәжілістің жалпы отырысында.

Төменгі палата спикері Ерлан Қошанов жаңа әріптесін қызметімен құттықтап, жұмысына табыс тіледі. Сондай-ақ Фуат Сатыбаев мәжілістің халықаралық істер, қорғаныс және қауіпсіздік комитетінің құрамына сайланды.

Фуат Сайдахметұлы Сатыбаев 1965 жылы Семейде туған. Семей мемлекеттік медицина институтын тәмамдаған. Хирург-дәрігер, денсаулық сақтау саласының құрметті қызметкері. Бұған дейін «Ақ жол» партиясынан сайланған Павлодар облыстық мәслихатының жетінші шақырылым депутаты болды.